أخيراً والحمد لله وافقت كل الأطراف على وقف اطلاق النار بلبنان، ولو الطرف الإسرائيلي ما يتأمن، لأنه يشتهي الحرب مشتهاه، وكل حرب تحققله بعض الي يريده، ويخطط اله الى أني وصل للمرام الي محد يعرفه شنو.ومع هذا وبالرغم من كل الحچي الي راح ينحچي وتخيّلْ الانتصارات الي راح تدعيها كل الأطراف بعد ان تتوقف الحرب لإقناع الذات المحاربة وتهدئتها يمكن المراقب واي مراقب يگول:تره كل الأطراف المشاركة بهاي الحرب بالذات طلعت خسرانه،واكثر الخسرانين بيها وبأي حرب:المواطن العادي الي ما اله بيها لا ناقة ولا جمل، المرأة الي فقدت بيتها وزوجها أو واحد من ولدها بسبب الحرب، الطفل الي تلقى صدمات نفسية بسبب قساوة الحرب أثرها باقي كل العمر، هاي غير الاقتصاد والمال ومنزلة الدولة، لكن الله غالب مثل ما يگول اخوتنا الليبيين.ولأنه الله غالب في كل الأحوال، ولأن القرارات صدرت لازم اللبنانيين والي ساعدوا وقاتلوا وياهم يدورون على الدروس المستفادة من هاي الحرب حتى يستعدون لأي حرب يجوز تنفرض عليهم بالمستقبل أو يجنبون حدوث حرب همه مامستعدين الها، واهم درس هو ان قرار الحرب وادارتها لازم يكون بيد الدولة، وأي سلاح ما لازم يكون الا عند الدولة، وأي
جهة أو حركة ما لازم تكون مسلحة، ولا يفترض تحشر نفسها بقتال خارج رؤية الدولة، حتى لو كان فكرها وايديولوجيتهامرتبطة بغير دولة... يا ترى ربعنه العراقيين افتهموها!!