وصلنه شباب وبعدها عوائلنا تخلفْ، وأتذكر من چنه نگعد ويه ابهاتنا گمنه نناقشهم يمعودين كافي خلفة، رواتبكم ما تكفي أكل للموجودين، منين راح تجيبون للي يجون جدد.يگللونه كلمن يجي، يجي رزقه وياه. وبعدين لازم نكثّرْ أمة محمد، لأن بالآخرة راح يباهي بينا الأمم.كبرت ذيچ الأجيال من أمة محمد، ونتيجة العوز والتربية الغلط طلع أكثر من نصها تلف، وباقي النص المو تلف شفنا اشلون وَصَلوّا هاي الأمة لأسفل السافلين من أخذوا المسؤولية من الستينات لبداية الألفينات.حقيقة تخلينا نسأل:لعد أبناء هاي الأمة الي صاروا بهذا الوكت وبظروف أتعس من ظروف أجيالنا اشراح يسوون بإمة محمد؟ ونسأل:الأخوة الخمسة الي خلفوا (٥٣) والي حچه عنهم أحد عدادي الإحصاء السكاني، وگال كلهم عايشين ببيت مية متر ويه امهم،
وأختهم، وكل واحد منهم متزوج نسوان اثنين، ومخلف عشرة،والبيت دشر بلا بيبان، ونص الخلفة صاروا شباب (بنات وولد)يسهرون كل الليل يچوتون بيناتهم.ذوله من يصيرون مليشيات، او مسؤولين اشراح يسوون بأمةمحمد؟أعتقد هاي الامة بحاجة أن تعيد فهم نفسها، وتعدل عيشتها بهذ االعالم مثل عيشة الأوادم، والا:ما راح يباهون ولا يتباهون.