والله يا جماعة تره احنه نحب فلسطين، ونتعاطف ويه أهله ابكفاحهم ومقاومتهم للظلم الصهيوني والاضطهاد، ونريد كل العرب والمسلمين يحشدون قواتهم، ويحاربون ويه أهل فلسطي نحتى يرجعون حقوقهن ثالث مثلث.
لكن يمعودين الحرب الها أصول، والها استعدادات وتهيؤ مسبقحتى تضمن تحقيق أعلى قدر من الأهداف، وبأقل ما يمكن من الخسائر.أما تروح للحرب فزعة وانت ما عندك شي تأثر بيه، وتحقق الأهداف هاي معناتها راح تتكبد خسائر چبيره، وما تحقق شي من الأهداف.ومعناتها تنطي عدوك فرصة تفوق يستفاد منها نفسياً، وتخليه يتمادى بظلمه لأهل فلسطين، ويوسع الظلم على كل العرب والمسلمين.شاهد الحچي شفنه قاعدة لأحدى الجهات الي دا تحارب يصير عليها قصف صهيوني وأمريكي، ما عدهم صفارة انذار ينبه ونبيها مقاتليهم من يحسون أكو قصف، أو من يبدي القصف.ولا عدهم ملاجئ يطبون بيها من يستمر القصف.وبدل ما يسوون هذا الشي الي چان من الطبيعي أن يسووه، يطلع واحد منهم محروگ گلبه يصيح: (ولكم إخلوا) الى أن ينبح صوته، ويسكت ومحد يدري وين صار.نعم القتال واجب وطني، وتگولون هم شرعي، بس استعدوله زين، لأن كل خساره يخسروها العرب، والمسلمين مو بمكانها تضيف معنويات للعدو، وهذا حرامات والله حرامات.