يگول سالم تره الجماعة ثخنوها، فالگاعدين گلوله اشتقصد؟ گال تصوروا بلعبة العراق والأردن الي راح تجري اليوم بالبصرة السيد المحافظ الله يحفظه انطه عطله، وآني گاعد من أمس لليوم أريد أعرف ليش انطاها عطله، وشني علاقة اللعبة والملعب يا
دوبك يستوعب (٦٥) الف مشجع، زين الباقين من العمال والموظفين ليش يعطلون من يمهم.رد عليه مزاحم گله، يعني يمعود قابل راح نموت.وراها حمه النقاش والكل گامت تدلي بدلوها، وتاليها رجعوالمزاحم، فتنحنح وگال: إي تاليها نموت، تتذكرون ابن خلدون الله يرحمه، مو هو الي گال المجتمعات مثل الافراد تمر بمراحل:نشوء، ونمو، وتدهور وآخرها السقوط يعني الموت.والرجل عالم خوما گالها گوتره. أكيد يقصد بيها المجتمع يوصل حد الموت، لمن ما يتعظ، وما يتعلم من أخطاءه، ولمن المسؤولين بيه يكون همهم نفسهم، وينسون باقي الناس، وماكو تخطيط وحساب للمستقبل. وهاي كلها دا نشوفها گدام عيونا بمجتمعنا،والا معقوله ينطون عطلة ويكثرون العطل، وما يدرون الخسائرلو تنحسب تطلع مليارت.رد عماد وگال:ما الها علاقة، الجماعة ينطون عطله حتى الناس تگعد ببيوتها،تِدْعِي للفريق العراقي بلكت يفوز، لأنهم ما يؤمنون بالمدرب والخطة. وتاليها انتهت الگعدة وما وصلوا الى اجابه ليش المحافظ إنطه العطلة، فرفعوا اديهم بالدعاء ان يديمه حتى يستمر ينطي عطل.