إشحده الي يگدر يفك حلگهَ ويهَ كبار السياسة بهذا الزمن، ويگوله ذا تجاوز وذاك غلط، حتى لو عنده أدله ناطيها اله جبرائيل نفسه. وإشحده الي يعوّل على القضاء بأي قضية من قضايا هذاالوكت العوجة، حتى لو قضيتهَ مصوگره وبيها ألف شاهد.وإشحدهَ الي يخلي كل بيضاتهَ بسَلَة وحده من سلال الكتل السياسية، لأن كلهن عدهن استعداد يذبن السلة من فوگ الحملمن ينزنگن. والي يريد يسأل عن أصل الموضوع ويگول اشلون عليه أن يرجع لاستجواب البرلمان لوزير الدفاع خالد وقراره بعدم الاقتناع بأجوبته وإقالته بشهر آب ٢٠١٦، حتى يشوف بعينه أن نتيجة التصويت طلعت فقط ٤٪ من البرلمانيين المصوتين مقتنعين باجاباته والباقي لا. لعد وين راح الشارع الى كان يدبچ دَبِچْ، والنواب الي صفگو قبل الاستجواب، وين رؤساء الكتل اليگالوا عفيه ودگوا على صدورهم وتعهدوا يوگفون وياه بس يفضح رئيس البرلمان وجماعته. اشلون تطلع النتيجة هيچ؟ واشوكت گلبوا وغيروا رأيهم؟تره صدگ السالفة تدوخ، ولو ما لازم ندوخ لأن الملك فيصل الثاني بعده شاب شلنهَ سيارته على إچتافنا وهتفنا اله وبعد شهرد گينا الناقصة وكتلناه. وعبد الكريم قاسم شفنه صورته بالگمرودگينه نفس الدگة وياه وعدمناه. ونوري سعيد الي ما نصيحه غير الباشا وتاليها دگينا بيها ذيچ الدگة الچبيرة وسحلناه.عمي الله وكيلكم تره الناس مستعدة تبدل رايها بدولار، وتنقض العهد الي تنطيه بنص دولار. ثم ليش نستغرب ونروح بعيد هوالي يدگ الناقضة ويهَ الامام الحسين ما يدگها ويّه الغير.