أبو مجيد سيد كامل گعد من غباشي الله، وبعده توه گعد ويه جماعته، راح يأفأفْ، گله صاحبه صالح:اشبيك بعدنا حتى ما فاكين ريگنه، رد عليه:بالله عليك وين چنه وين صرنه.إي وهسه ياله عرفت وين صرنه؟لا والله أعرفها من زمان، بس هسه قريت فد تعليق لكاتب عراقي حتى ما عرفت اسمه، كلش عجبني يگول:چنا نروح لتركيا، ولمن نطب لفندق يگولون جوي جماعة البترول، ويبدون يهتمون بينا ويحاولون يلبون النا اشما نريد.وهسه من نروح لأي فندق هناك ما نشوف عامل ترك ونلگه أغلب العمال عراقيين.توقف إشوية وكمل بصيغة سؤال: ليش هي بس هاي؟سنة ١٩٧٧ گالت اليونسكو التعليم بالعراق هو الاحسن بالشرق الأوسط. وهسه شوف التعليم انترست البلاد دكتواه، والشعب غرگان ما يعرف طريق النجاة منين. وبذاك الوكت العرب چانوا يگولون: القاهرة تكتب، وبيروت تطبع، وبغداد تقرأ. وهسه يگولون القاهرة ترگص، وبيروت تسكر، وبغداد تلطم.والمشكلة محد يگول ليش هذا الجهل والتخلف صار، ولا ماحود يذب الصوچ على نفسه، ويگول تره صوچنا، لأن يا هو الي
يجينه نصفگله، ونردحلّه ونسويه ولي من أولياء الله، وتاليها يذبن ابتهلكه، ومن تهلكه لتهلكه شوف وين وصلنه.