احتد النقاش بين احمد العلماني وكمال المتدين المحسوب على الاطار، وما وصلوا الى نتيجة، ياسين بنصهم يسمع، راد يفضها،صار وكت الغدا، فگال يابه تره آني متدين مستقل، البارحة قريت موضوع واحد دازلياه، راح اقراه وأريد كمال يجاوبني، گالولهإقراه، وبدا يقرأ: عدنا فائض أكثر من حاجتنا بهواي من:المعممين، واحنا اكثر البلدان حقد وكراهية ونفاق وچذب وكفر وبعداً عن الله.السياسيين، وسياسة العراق الأسوء بالعالم، بلا رؤية وبلا حكمة،وبلا علم.الإعلاميين والمحللين والصحفيين،والحقيقة غايبه وما نعلم شي،ومعظمهم يكذبون.المقاومين والمجاهدين، وكل يوم نذبح ونقتل ونقصف وننقصف بإدين المجاهدين.الشيوخ والأعيان، والنزاعات تزيد، وتنتشر والدواوين صارت مدارس للابتزاز.
الشعراء والادباء والنقاد، وأغانينا، صمون عشره بألف، ودگني عيني دگني.الأطباء، ونروح للهند أو دول الجوار للعلاج، لأننا لا نثق فيهم.الموظفين وأصحاب العقود، ونضطر ندفع رشوة هنا وهناك لإنجاز معاملاتنا.اجهزة رقابة ونزاهة وامن، لكن البلد الافسد والاشنع في السرقات الحكومية.المزارعين والأراضي الزراعية، ونستورد كل ما ناكل من دولال جوار.الشهادات العليا والكليات والمعاهد، وما زلنا البلد الأكثر تخلف اوانحدارا.كمال تعصب، دقيقة كافي اشخليت؟ جاوبه بعد أكو هواي، بسأريدك تجاوبني هذا بوكتكم اشلون يصير. فرد عليه بكل برود:هذا امتحان يمتحنا بيه رب العالمين، جاوبه وهو بطريقه يريديروح يدفع فلوس الچايات:مو ألف مره صقطنه بامتحان هاي المواد الي انتو بيها تدرسون،مو كافي عاد.