حسين بدا يدندن ويه نفسه ويگول:ياخشبهَ نودي نودي... سلميلي على إجدودي.وجدودي سافروا مكهَ جابولي ثوب وكعكة.والكعكة وين أضمها.أضمها بالصندقچة.والصندقچة يرادلها مفتاح والمفتاح عند الحداد والحداد يريدفلوس، والفلوس عند العروس، والعروس بالحَمّام، والحَمّام يرادله فانوس والفانوس واگع بالبير، والبير يرادله حبل، والحبل بگرن الثور، والثور يرادله حشيش، والحشيش يرادله مطر والمطر يمالله. وبعد ما كملها گال:هاي ارجوزة، لو إهزوجة شتسموها سموها، ترهم على قضيةمحكومين بالإعدام بدوافع انتقام، كل سلطة من السلطات أو
الجهات عن موضوعهم تحچي شكل، وتنطي رأي يختلف عن الجهات الرسمية الأخرى وغير شكل:رئاسة الجمهورية تگول، ما عرضوا علينا محكومين بالإعدام،والمعروضين كلهم مجرمين، والحكومة ما تدري، شكلت لجنه لمتابعة الموضوع حتى تدري، والصدريين يگولون هذا الاعدام بس لجماعتنا، وكتائب أبو الفضل تگول اذا ما تعدموهم احنه راح نعدمهم بادينا ونبري الذمة، ووزارة العدل تگول ما عدنه فلوس نعدم، والله كريم من تصير عدنه فلوس نعدم.الجماعة وصلوها يم رب العالمين مثل حسبة الصندقچة ومفتاحها الى وصلت يم رب العالمين.