الأهوار جزء مهم من تاريخ العراق وحضارته وچان الها دورمن زمن السومريين، تحتاج من يفعل هذا الدور وينطيه القيمة الي يستحقها.الأهوار بميها العذب أكبر خزين للمياه ومصدر للتخفيف من حرارة الجو، ولو صيفنا لا يرهم وياه مي الا الي ينزل مباشر على الراس گبل. ولا يرهم الا تخلي يومية بتانكي المي الي فوگ
السطح قالب ثلج وطول فترة الصيف، حتى لمن تفتح الحنفية مايسمطك المي الجاي من البوريات سمط، بينما تروح على مي الاهوار عذيبي وتگدر تچرع بيه وتروي عطشك وانت مرتاح،بس كون أكو من يقدر هذا الشي.الأهوار طبيعة حلوه حتى ماكو مثلها بكل المنطقة، يمكن تصير أحسن مناطق للسياحه الشتوية، لو أحد يستغلها.الأهوار أم البردي والگصب، المادة الأساسية لصناعة الورق والالواح المضغوطة، بس كون أحد يطورها ويشغلْ المعمل العاطل مالها.الأهوار بيئة مناسبة جدا للثروة السمكية بكل الأنواع، لو أكو من يستثمر بيها، وكلشي ما ينرادلها غير اصبعيات تنذب بالمي وتاخذمنها سمج نهري أشكال وألوان.الأهوار مرتع الجمس الناهي، وأصل الگيمر المعتبر، ومحط الطيور الي تمر بيها بهجرتها من كل مكان، تريد من يحميها.كل هاي النعم وغيرها، محد يلتفت الها ببلدنا، هم زين العالم التفت الها ولقيمتها الچبيره وصنفها تراث عالمي حتى يحافظ عليها.