العراق من قال وبله، واگع بين جيران أقوى منه بهواي، تركيا العثمانية من الشمال، وايران الفارسية من الشرق، وإثنينهم چانوا امبراطوريات چبيرة والهن وزن بمناطقهن والعالم، وطبعاً ماچانن متصافيات فد يوم، وبسبب الصراع بيناتهن العراق واگع بيها:لمن يقوون العثمانيين يچيتون عليه ويحتلوه.وبعد فتره لمن يقوون الفرس هم يطفرون عليه ويحتلوه.لكن مو هاي المشكلة لأن هذا هو العالم، القوي ياكل الضعيف.المشكلة يا جماعة الخير بينا إحنا الي نصفگ طائفياً للجاي وماندري ليش. ونقبل يستخدمنا هذا الجاي أداة ضد بقايا الرايح، وهمما نادري ليش، وبالقلم العريض:
يجون العثمانيين يستخدمون السنة، يقدموهم على غيرهم ويسووهم ماشة نار وهمه مكيفين.ولمن يجون الفرس يروحون للشيعة يستخدموهم ويخلوهم راس حربه وطبعاً همه مكيفين.ولمن غابت الامبراطورية العثمانية، ورادت تركيا الجديدة تصير أوربية إتكترت فترة، لكنها بزمن اردوغان رجعت لنفس اللعبة،وإحنا هم رجعنا تيتي تيتي، إنصفگ ومقسومين شيعة ويه ايرانبدون نقاش، وسنة ويه تركيا والسعودية بدون حجي، وما ندر يالطرفين ما تهمهم غير مصالحهم.وما ندري الثمن الي راح ندفعه اشگد چبير.