گبل لمن تراجع دائرة حكومية على معاملة وتكتشف الموظف دايغلط بفقرة من فقراتها، لو ما يعرف شيسوي، تروح على المدير مالته، تلگاه مضبوط ويفتهم، يباوع على المعاملة، ومن بعدها يدزعلى الموظف، ويگله تره هذا غلط، والصح هو هيج.
طلع من يمه راضي ومقتنع بيه مدير گدها وگدود، وويه نفسك تگول بربي هذا خوش مدير.هسه انگلبت الآية، لمن معاملتك يم موظف، تروح عليه، تلگاه أوتلگه هواي من الموظفين ما يعرفون شي عن شغلهم.تگله تره تعليقتك على المعاملة غلط، الشي الي اقترحته أو تطلب تنفيذه مو هو المطلوب.يوگف بوجهك مكفهر ويگلك وهو متنگ، شنو انت تعلمني؟.ولمن تروح للمدير أو حتى الوزير يطلع أطگع منه، مو لأن مايفتهم وبس، لا، ما ينطي بالموظف مالته لو يخاف منه، واذا رادإيصير وطني يتأفف ويگول شسويله، فرضوه عليَ فرض.قادر يگول فد موظف بآرشيف مؤسسة المفصولين السياسيين فديوم مريت عليه، وشفته ضام معاملتي ما يقبل يمشيه، وبدا يمشخط لمن شاف الاسم واللقب، خابرت رئيس المؤسسة الي أعرفه من أيام الدراسة والشباب. گتله أگلك هذا الموظف فلان،يهاجم الناس خالي بطال، وحچيتله القصة كامله. گال:إي والله هذا إمفشلنه ويه الناس... وانتهى الموضوع!!