يگولون شركة دايو الكورية الي ماخذه مقاولات بميناء الفاو الكبير، وهي شركة كبيرة، فُصلَتْ عشيرة من عشائر البصرةالكبيرة، لأن واحد موظفيها كوري ضارب عامل من ذيچ العشيرةراشدي، ومحد گال ليش ضاربة واشلون.شي ما ينعقل، كوري يضرب عامل عراقي وهو بالشغل عمل موبس ما ينعقل مستحيل ينعقل، لأن الكوريين بطبيعتهم مسالمين والي يضربهم على خدهم الأيمن سطرهَ ينطوه الخد الأيسر يكمل الضربة، همه هيچ الله خالقهم طيبين وبسطاء ويچفون الشر.
سعدون أصلاً من أهل الفاو، من قره الخبر ضاج وگال يا جماعةيمكن العامل العراقي هو الي لزم ايد الكوري وگام يضرب بيه انفسه. لو سوه نفسه دايخ وذب نفسه على الكوري تْبَلْ وحلف بالعباس وگال ضربني، وكمل حچية باسلوبة الساخر وگال: ولكم مو بس الضربة ما تنعقل الفصل (٨٠٠٠) دولار وراتب شهرين بدون شغل مبلغ ومن دايو ما ينعقل. وبدل أسلوبه وصار يتهكم ويعتب على العشيرة: ولكم غمان، هاي دايو عدها الثمن ملايين دولار تكريز حبْ، مو عاد (٨) تالاف دولار . خايبين چانت گدرون تطلبون تقاعد لكل العشيرة وهم محد يگللكم ليش. هايدايو دوركمياها اشلون تجي تشتغل بالعراق ورئيسها بوذي،وموظفيها أكثرهم مسيحيين.عفيه عليكم لا تخلون الغربة يجون يشتغلون عدنه، ولا تسمحون بتقدمنا، رجعونه للبعران وبيوت الشعر أستر النه وعلينه، وخلونه نگضيها فصول وهوسات:هيهات منا الذلةَ.