فد يوم سألوا شيخ الأزهر بوحدة من الفضائيات الإسلامية عن سبب توجه الشباب المسلم الموجودين بأورپا للانخراط بأعمال الارهاب، والرجل جاوب بكل ثقة وگال:تهميش المسلمين.شيخنا والرسول محمد مو هذا السبب، وداعتك المسلمين بأورپاهمه الي مهمشين نفسهم، ومحد مهمشهم.تدري شيخنا الناس الأوربيين وبكل أوربا شنو الي يگولوه على العرب والمسلمين، آني أگلك شيگولون عن:أهل العراق: أكثرهم ما يشتغلون وعايشين على المساعدات.أبناء الجزائر والمغاربة: يبوگون ويصلون، واذا تشوف حاجةمعروضة بخمس آلاف انطيهم ٣٠٠ يجيبولكياها بس لا تسألهم اشلون.أما أخوتك اللبنانيين، والأكراد فخليهم على يمناك بالتهريب.
والجايين من الصومال واريتيريا واليمن نايمين، يطلعون بس يوم الجمعة للصلاة ويرجعون ينامون.شيخنا اذا تدورلك على موبايل أخو الجديد ورخيص، أنصحك روح لجوامع المسلمين وره صلاة الجمعة، راح تلگيها مكومةهناك. واذا تريد سيارة، الاوربيون ينصحوك، لا تشتريها من مسلم لأن يغشك.شيخنا بعد تريد أكثر. وروح أبوك السبب مو بالتهميش السبب الأصلي بالفكر والمناهج الي تدرسوها، والي لحد الآن تحچيلي على القصاص والسبي والغنائم.