آخر مرة اقتحموا بيها الصدريين البرلمان، بصولة مرتبه، محد يگدر بوكتها يتل حظه وبخته ويگول همه الي خربوا القنفة مال البرلمان متعمدين أول ما دخلوا فاتحين. لأن القنفه ملك عام،وحرام تخريبه.ولا يجوز أحد يتهمهم عدهم اتفاق مسبق ومخططين لاستهداف قسم من البرلمانيين وشبعوهم كتل، لأن ملتزمين بقوانين الديمقراطية وحقوق الانسان.ولا أكو أحد يگدر يأكد ويگول من طبوا فرقوا بالاهانة والضرببين برلماني وآخر. لأنهم ينظرون للجميع متساويين كأسنان المشط.بعدين لازم نفترض حسن النية ونگول طبوا وياهم مندسين منالنظام السابق، ويجوز حتى من العهد الملكي، أو من اليهود،والسعوديين السلفيين، ومو بعيد أمريكان... كلشي وارد بهاي
الهوسة، ولازم نفترض أنو هتافاتهم ومطالبهم بإنهاء المحاصصةوالطائفية والتكنوقراط صحيحة وطالعة من گلوبهم الصافية.لكن بنفسنا نسأل سؤال بريئ: إنتوا من أخذتوا وفد ورحتوا تعتذرون من السيد عمار طعمة رئيس كتلة الفضيلة الي انضربغفل والاعتذار فد شي زين، تگدرون تروحون تعتذرون من النواب الأكراد الى عافوا بغداد وگبلوا لكردستان زعلانين،وبعدهم تروحون لنواب السنه هم تعتذرون؟.صدگوا واعتقدوا إشوكت ما رحتوا ليمهم واعتذرتوا مثل مااعتذرتوا من برلماني شيعي، ذاك الوكت راح كل العراقيين يصدگون بأنكم تريدون من كل گلبكم تعبرون المحاصصةوالطائفية وتسوون اصلاح.واذا لا. لا تزعلون كل الي صار طبخ حصو.