لندن من استحقت تنتخب الها عمده لمدينة چبيره، انتخبت صادق خان (المسلم، ابن سايق الشاحنة) وجددت اله الانتخاب مره ثانية،وبالمناسبة صادق فاز على المنافس الوحيد اله يهودي أبوه ملياردير.نفوس لندن واطرافها قريب الـ(١٥) مليون.٤٨٪ مسيحيين. ٢٠٪ بدون. و٨٪ مسلمين. وأقل من اثنين بالمية يهود، وطبعا أكو سيخ وبوذين وغيرهم، لكن الناس وخلي نگول معظم الناس راحت انتخبت برنامج قدمه صادق وحزبه، وما
گالت هذا مسلم وذاك يهودي، ولو قسم من أهل العقول الساذجة حچو بالموضوع، لكن الناس معظمهم عقال عبروه، وما وگفوا عنده.بربكم هاي لو ببغداد، وبانتخابات أمانة بغداد رشح فد واحدكردي، لا، ليش كردي هسه هم يگبون علينا ويتورشعونا ويگولون عليه ربعه يريدون انفصال وعاد اشراح يخلصنه منا الى يوم الدين. خلونه نگول صبي لو مسيحي لو برتكيشي چانأحد انتخبه.والله ما چان خلوه يرشح أصلاً.ويجوز چان اجاه ظرف بيه رصاصة وورقه مكتوب عليه اإنسحب والا....لا واچماله گاعدين نبچي على العراق راح يتقسم.ولكم اشلون ما يتقسم ولسه تنتخبون وتتظاهرون وتحتجون طائفيا، واشلون ما يضيع وكبارنا لسه تمشي على طريقة هذا منعدنا وبينا. بصراحه الى ان تخلصون من هذا الانحياز فالتقسم جاي جاي.