الفلاسفة والسياسيين العقال ويياهم العلماء الي يفتهمون كله ميگولون ويأكدون ويصرون على أن:الشعب هو مصدر السلطات.وهو صاحب المصلحة في بناء دولة مستقرة، مترهاية، توفرله الأمن والأمان حسب الأصول، لأنه هو المستفيد الوحيد منرصانة البناء ومن جدية الاستقرار، وتحسن الأحوال ويگولون:يفترض بالشعب مصدر السلطة والمستفيد منها أن يكون هو الحامي القوي لهاي الدولة ونظامها وقيمها، ويگولون:هيچي تنبني الدول والأوطان، وهيچي يعيشون أهلها بأمان، وهم يگولون:اذا صار الشعب أو تصرفات قسم منه طرف بالتعقيد وبالمشاكل فينقره على الامة السلام، ويروح الخلف والخلفوه برمشة عين.رباط السالفة، گبل چم سنة صار تفجير بمعمل غاز التاجي، وگبلما أحد يعرف طبيعة التفجير والضرر ركضت الوادم ودبات
الغاز على اچتافها وبسيارتها توجهوا مرعوبين على محطات توزيع وبيع الغاز، خو أكو من بين اليركضون جايبين دبات بعدهي على النص. ومن وره هاي الركضة كبرت الحچايةوصارت شحة بالغاز بكل بغداد وصعدت الأسعار.يعني إحنه بنفسنه سوينه الأزمة وزيدنا الأسعار، لأن لو ما فازين ولو صابرين فد يوم، چان عرفنه الصدگ وما چان صار اليصار.الله يبعد أمة محمد من الفزات الجايات.