أبو سلام طرفچي من الطراز الأول، گاعد هو وربعه ببيت صديقه حجي علوان يتعللون، گال يا جماعة خلونه نبطل حچي سياسة، وأريد أحزركم حزره، گلوله حزر، وگال:برلمان بدولة ميسورهَ. أعضاء منه أعزاز، وأعضاء منهم طاگيته منگوبه.بيه وگف واحد على الكراسي يصيح، وواحد مگابل المقصورهَ،وثالث على الخشب طبال، وبصفه العزيزه ترگع الهلهوله، وإختهاالوكيحة تشمر ابطالهَ وزميلتها اتدور للقندره هدف مضمون وخوش تصويبهَ.منهم من شعلها وگعد صفين ولمن صار الوكت گال مدريبهَ.
ومنهم وگف ليغاد سختچي يساوم عالمكان يگول مستورهَ.ومنهم على الوسط واگف، رجل إهنا ورجل إهناك، وبكل بگاحهإ يصيح تعالوا إنصير محتجين، على الغلط والفساد إنثور، وگال اللاخ صفكولهَ.كُتَل وأحزاب من فوگ العبايه إتصيح هو اصلاح ومن جوه العبايه تقدم ربعها وغير تشكيله.گوّموا علينهَ السلف والسلف منهم ضاج، وصرنه فرجه للوادم وضحكوا علينا البعوره.خَلَوها ظلمه والدليل الله وشيعه وتاه الراس والحال معلوله.حجي علوان گال بربك هي هاي حزوره لو بسته، مبين انت تريد تنغز البرلمان، وعمرك ما راح تجوز من النغز. رد عليه وهو يضحك:بس بشرفك مو هذا حال برلماننا.