انخبص الاعلام واستبشر السياسيين الجدد الخير بالقضاء على كل التجاوز والزلل وقضايا الحرام، وراح واحدهم يهني الآخر بهذا الإنجاز الأمني العظيم.شاكر گاعد بگهوة الشابندر سأل ربعه هاي شكو، يمعودين شني القصة؟
اجاوبه محمد ليش ما قريت بالجرايد مال اليوم، مو ألقوا القبض على الحرامية الي باگوا تحويلات الرواتب مال موظفين صحةنينوى.وإشگد چان المبلغ؟ جاوبه: (١١) مليار دينار بالتمام.أگول عوفونا من الأخبار، والجرايد وگلولي بالأول اشلون انباگ هيچ مبلغ مو قليل.رجع محمد هو الي يجاوب يبين متابع الموضوع زين وگال آنيأگلك اشلون: الجماعة ببغداد يحولون رواتب الموصل لأربيل،عن طريق مكتب صيرفه، ويجون الموظفين يستلمون رواتبهم من أبو الصيرفة.دقيقة لا تكمل لعد البنوگ شنو شغلها؟آني شلي لازم، يگولون الوضع الأمني بالموصل بأيام القتال ويهداعش ما چان طبيعي، وماكو بنوك بالموصل تگدر تفتح وتوزع الرواتب. ومن وصلت الفلوس أبو الصيرفة المعروف والموثوقبه من أهل بغداد أخذ الفلوس وگلب.هم أجي وياك، زين ماكو بنوگ بأربيل يحولولها الفلوس،ويروحون منها يستلمون؟ ليش إحنه وين عايشين ويرحم أبوكوين رايحين؟ وره أسئلته هاي صفن وبعدها وگف على حيله وگال والله لو يدزون الفلوس بقوافل على بعران مثل گبل هم أرخص وأأمن، وهم يستفيدون من البعران ليش باقيه بالصحراء.