معروف بالعالم وبهذا الوكت إلي عدهم فلوس، وما يريدون يدفعون عليها ضرائب ولا ينطون الخمس مال السادة، يودوها الىبنما يحطوها ببنوگها هناك، لأن الديرة إسهيده وإمهيده، يعني
البنوگ والدولة ما تسأل صاحب الفلوس عن مصدر الفلوس منين جايبها، ووين راح يروح بيها، المهم يدفع العمولة الزينه، والي معيشتهم ومنعنشه اقتصادهم حسب الأصول.لكن ومع كل هذ الستر والتستر طلعت الريحه حيل، وصار مطافر أهل الفلوس ماله والي:رئيس وزراء أيسلندا الرجل على طول استقال، لان عنده هناك چم فلس ضامهن لوكت الضيگ.وزير صناعة اسبانيا هم استقال، ورئيس وزراء بريطانيا المحافظ كامرون حلف يمين يهد الحيل، وگال فلوس أبوي المدفونات هناك ويگولون ما دافع عليهن ضرايب آني ما الي لازم بيهن، وآني بالنسبة إلي دافع ضرايبي لحد الفلس، وهاي حساباتي الضريبية گدامكم واچتافاتي للعباس.طبعاً من ضمن الأسماء الي طلعت ريحتهن سياسيين ومسؤولي نعراقيين، كلهم غلسوا، ولا واحد إبن حلال أو حرام رد وگال شنوالقضيه ومنين جبت فلوسي، أو استقال. بس واحد طلع وما قبل ينذكر اسمه گال يابه تره أي واحد ما اله الحق أن يحچي على فلوسنا، لأن كليتنا دافعين عليها الخمس، وكلهن حلال، وگال بوقتها إبقوا إحچوا والله ما تهزنه ريح، أبو رامي من سمع الحچيگال:إي والله صدگ ما تهزهم غير النسوان والفلوس.