الفلوجة بأيام الي احتلتها الدواعش والأيام الي جاها الجيش دايحررها منهم ومن جهلهم، ماكو واحد يگدر ينكر أنو أهلها زغارهم وكبارهم چانوا عايشين بحصار وضيم وخطر وبؤس،والله يساعدهم، على ذيچ الأيام. والي ينكرها أبد مو ابن حلال.وصعب واحد ينسى أنو القوات الأمنية بكل صنوفها ومؤسساتها هي الي تحملت كل الجهد الي چان مو سهل حتى تخلصهم منذاك الوضع الي همه بيه. والي ينسى مو عاقل.المشكلة بوكتها والقتال چان بأصعب أيامه، هواي حچوا بالموضوع حچي مو بانصاف، حچي قسم من عنده مال گهاوي نصه تصفيط: لازم چان كلهم يطلعون من بيوتهم من طبت عليهم داعش وهي المدينة تسقط من وحدها. ولازم همه الي يقاتلون گبلما يجيهم الجيش. ولازم چان الهجوم يصير من يم الشط لو منجهة الصحراء. وقسم من الحچي مال فنادق أكثر من نصه تشيّيشْ وإثارة مع أو بالضد ما يدرون:
انها حرب صعبة والحرب أي حرب بطبيعتها قاسية، وكلفها عاليةبالمال والأرواح وهواي منها مو عالبال.والحرب تحتاج أن يوگف الجميع ويه قوات الدولة الي تحارب منأجل الدفاع عن المدن وطرد الأعداء منها سواء كانوا دواعش أوغيرهم.وهي حرب مثل كل حرب، إلها ثمن، وبيها خسائر غصباً علينه،نرضه لو ما نرضه، والي ما يگدر بيها يوگف ويه الخير، سكوته أحسن وخير