الجماعة گاعدين بالگهوة، يحچون سياسة، وجابوها على الإصلاح، وگبل ما يخشون بالموضوع، رؤوف گال دقيقة، البارحة حلمت حلم غريب عن الاصلاح، خلوني أحچيه گبل ماأنساه، وگال:أكو كوكب يمكن نبتون أهلة متقدمين علينه بألف سنه. رئيسه متابعنا لأن فخذ من عشيرته النبابته نزلوا بالعراق يم عگرگوف
يتطقسون گبل (٥٠٠) سنة تزوجوا عگرگوفيات وطابتلهم العيشةوبقوا.رئيسه عرف بينا مسؤولين وشعب وبرلمان نريد إصلاح، بسحايرين اشلون نبدي ومنين، فقرر يساعدنا. دزلنهَ أذكى واحدعنده، گله ابدي من بغداد، وأول ما وصل، بقى يفتر ببغداد أسبوع، بعدها اتصل بيه، وطلب يدزلهَ لجنة من عشر مصلحين تكنوقراط، وصلوا بنفس اليوم.أخذهم وطلعوا يمشون، ويسألون ويحللون، وصلوا يم محل يبيععرگ بالكرادة، ديسدوه الشرطة. سئلوا صاحبه: شتگول بالإصلاح؟ گاللهم ما تنصلح لو يجي الحمزة أبو حزامين. رجعوا سألوه ليش؟ گاللهم أولاً همه الشرطة الي دا يسدون البارحةتسوگوا من يمي مال أسبوع، وثانياً أگللكم البلاد الي صارلها خمسين سنة حروب وقتل وبوگ ونهب وضوجه وطلعان روح،وشرطتها تعوف الفاسدين والحرامية والخطافين، والمكبسلين،وتترك النصابين والمتجاوزين، وتحابي القوي، وگادره بس على أبو العرگ، معقولة تنصلح؟گالوله عمي إبقوا هيجي. احنه راجعين. حرامينا غير حراميكم.وناسنا غير ناسكم. نرجع اليوم گبل ما تفسدونه.