زياد الي چان ضايج على مود السند ما طلع بنفس اليوم، هالمرةطلع من غبشه، وضل واگف گبال دائرة الطابو حتى يطب أولواحد. وطب گبل على الموظف، گله عمي گلتلي تعال باچر وهسه آني إجيتك من الصبح. مد الموظف إيده على المجر طلع
الطلب قراه، گلب بالسجل گله عمي لازم تروح لكركوك سجلاتك هناك حتى يطابقون الاسم، وبعدها نطلعلك السند واحنه الممنونين.سأله زين ما يصير تتتصلون بيهم بالتلفون، وهذا تلفوني إتصلمنه إذا ما عدكم تلفون أرضي.گله صدك تحجي، گتلك روح يعني تروح.والخايب شال ضوجته وياه وأخذ معاملته وراح لكركوك، لمندخل الاستعلامات، شاف ثلاثة مهندمين، كل واحد گاعد وره ميز.سأل الأول لابس كردي. جاوبه بالعربي روح على الثاني، فراح عليه والرجل دلاه على الوارد، وبعدها على السجلات وحده گبالاللاخ.كمل شغلته بسرعة لأن هي بالأصل بسيطة، بس يتأكدون من مطابقة الاسم. ومن طلع راح على موظف الاستعلامات العربي گله:أگلك انتو أشو ثلاثه، وصاحبك الكردي من عرف بي عربي أشرلي عليك. گله إي احنه ثلاثة:واحد كردي للاكراد، وواحد عربي للعرب، واحد تركماني للتركمان، وإثلاثتنه نحچي ثلاث لغات، بس هي التعليمات هيچي.يگول تقربت عليه وشاورته: من دبش راح يتوحد العراق.