ضلينه العمر كله أي وحدهَ نلزمها من بناتنا وبنات أصدقائناوأقاربنا ندوّخْ راسها:ولچ إدرسي زين وانجحي ترهَ ما تفيدچ غير الشهادة.كملي دراسات عليا تره محد ينفعچ بأيام الضيگ غيرها.واجتي أيام الضيگ ولن كل حچينهَ يطله مثل ما يگولون طبخحصو وما بيه أي فايده.أشو أم الشهادهَ ما لگت شغل وبقت عينها بالمصروف علينا.وإلي كَملَتْ دراسات عليا ما تزوجت وتاليها نامت على گلوبنا.بربكم لو چنه عقال ومفتحين باللبن مو چان گلنالهن خليوحدتچن تصير ملايهَ، والي صفت أحسن شغلة خاصة بعد(٢٠٠٣) هم مكسب ثواب وهم فلوس، أشو تحچيلها حچايتينوتنزل دمعتين وتذَكِرْ الگاعدات بموتاهن بهاي القرايهَ وبذيچوتاخذ المقسوم فلوس زينة وفوگاها أكل سفري درجة أولى.صبريهَ ملايهَ بمنطقتنه تشترط من تسوي قراية أن يكونالدجاج الي يجيبوه كامل وكذلك السمك والكباب كيلواتوبالمناسبات الدينية والمناسبات عدنة هواي والحمد لله تفتر
117صبريه على فد سبع قرايات باليوم غير الفواتح. رَجِلّها ينتظرهابسيارة جكسارهَ ياخذها من قرايهَ لقرايهَ وبين قراية وقراية متفقوية أبو مطعم يبيعله الأكل تازة.ها ياهو الأحسن بهاي الأيام أم الشهادة لو الملاية.من غير جدال أكيد الملاية، لكن بيها عيب واحد رجلهاالمسكين ما يگدر يتكلم وياها، لأنها دوم تعبانة.