تطلع من زيارة، تخش لزيارة، وبين زيارة وزيارة زيارة،واشحده الي يگول كثر الزيارات تعطيل أعمال وخدرْ.
تاكل ببلاش، وتنام بلاش، والانترنيت ببلاش، والأجنبي الجايمن برة يفركوله ببلاش، والبلاش بكل المقاييس نوع من خدرْ.البرلمان يرَجِع العسكريين المفسوخة عقودهم، وهمه بالأصل مخالفين وانفسخت عقودهم، داوموا وأخذوا راتب، ورجعوا على جني عام الأول، ينطون نص الراتب، ويتنبلون ببيوتهم والتنبلةأصل الخدرْ.جيش صارله اسنين داخل انذار وحركات، وقتال ضد الإرهاب،يشتغل بنظام البديلين ويصرف على أموره من تبرعات المنتسبين، وهذا يعني نص الموجود، أو أكثر ما مداومين والابتعاد عن الوحدة فترات طويلة، ولأي سبب كان يسوي خدر.دول العالم الي يمنه والبعيدة عنا بدت تكون جيوشها من متطوع ينخريجين، حتى يلحگون يفتهمون الثورة الرقمية بالأسلحةوالمعدات.وجيشنا يطوع چان ما چان على نظام الخطية دا يضيف آلاف من الأميين على الأميين، والأمية خدر.ولكثر الخدر ولكون الخدرانين همه الأغلبية، حسب القوانين المرعية، نقترح على الحكومة العلية: أن تسوي مؤسسة رسمية للخدرانين تسميها (الخدرانين بأمر الدولة)، تجمعهم بيها وتصرفعليهم، أحسن ما يخدرون المسيرة وهي بالأصل خدرانه.