يگولون بالإسلام الله انعرف بالعقل مو بالشوف، وهذا صحيح يعني ينعرف بمحاكمة العقل للأشياء والتفكير المنطقي بيها.وهناك قول للامام علي (ك) (ما رأيت شيئاً إلا ورأيت الله قبله)،يعني معرفة الله تجي بالبصيرة (استخدام العقل)، ويعني من تنعدم البصيرة تنعدم معرفة الله.ويگولون المسلم المضبوط يقاتل من أجل دينه لو وطنه لو عرضه لو ماله، وإذا رجعنا للعقل بهذا الموضوع، يعني الي يقاتل منأجل وطنه ما يعوف دينه، والي يقاتل من أجل دينه ما يعوف عرضه ولا ينسى وطنه.ويعني الاخلال بأي وحده منهن فقدان للعقل والبصيرة مثل ماصار ويه (ف) بسنة ٢٠٢٢ الي فاتت لمن تطوع للقتال بسوريا،أبوه گله يابه مرتك مواليد (٢٠٠٥) شرعاً ما لازم تعوفها، وإبنك عمره سنه منو يرعاه غيرك.يجاوبه الجهاد أبدى من مرتي وابني.زين جاهد بالعراق وداعش لسه موجوده.يگله أرض المسلمين واسعه والجهاد هناك أوجب.وراح الله وياه، خمس تشهر ومرته تتصل بيه وتگله ما عدنه تره ناكل وگمت أگدي. يكللها الله يشوفكم بعينه الواسعة، وبسوگ الگديه بدوا يحوتفون عليها الما يخافون من الله وزحلگوها.
ومن رجع بالاجازة شافها مو هي، حاول يضربها حتى يرجعها للطريق الصحيح، گلتله ولك غيره سز الي انكسر ما يتصلح،ودزتله اثنين چحنتيه ضامتهم للعوزه، نعنعوا ضلوعه فقطع اجازته ورجع لسوريا يجاهد.