زين منهم أهل الرياضة إهتموا بأيمن حسين وبها السرعة الناهيةنقلوه من مستشفيات البصرة الى الكويت دا يكملون علاجه، وإيمن لاعب محترم وكابتن فريق من هذا الزين.وزين منها الحكومة دعمت هذا الاهتمام باللواعيب واهلالرياضة، واتصلت بيه وهو على سرير العلاج بالكويت، فأيمن يعتبر ثروة وطنية لازم يحافظون عليه، وياريت يحافظون
ويهتمون بكل عراقي حتى لو كان بصوان بقرية على حدودإيران.وزين من ولد عمنا أهل الكويت، وما قصروا باستقباله ونقله لأحسن مستشفى دا يكملون العلاج، همه بالكلفات يوگفون لولد عمهم، وما يرجعون ليوره حتى ينگنگون.أبو يوسف يهودي بصراوي من بيت حلبي هاجروا أهله من البصرة بالستينات وسكنوا لندن بدل ما يروحون لاسرائيل،البارحة بگعده بوحده من الكافتريات الي يگعدون بيها عراقيين يگول:بدالك آني من سمعت ناقلين الكابتن أيمن حسين للكويت دا يتعالج من نزف، وحياة الله خجلت من نفسي ومن ولادي.ويكمل حچية ويگول: كن خبصتونه بحضارة عمرها سبع تالاف سنة، وخير أمة أخرجت للناس، وكل هاي القادة ومئات الأحزاب تالي مستشفى بيها خير ما عدكم تعالجون ولدكم.مازن جاوبة، عدنه وانت ما تدري، ضاميها للعوزة.