هسه احنه ليهسه ما نعرف واشلون نعرف زادت رواتب النواب بالبرلمان العراقي لو ما زادت، لأن:أكو من يگول زادت گزلي. وهاي ما معقوله لأن الگزلي بقوانين اممنوع وبشريعتنا حرام.
وأكو من يگول لا ماكو هيچ حچي، لا زادت ولا هم يحزنون،وهذا هم ما معقول لأن أبو المثل العراقي يگول ماكو دخان بلا نار.المهم إذا زادت لو ما زادت مو هو مربط الفرس، ولا العراقيين المتنعمين بخيرات بلدهم هلگد حسودين وما يقبلون تزيد روات بالبرلمانيين الي دا يمثلوهم بأمانة ويراقبون الحكومة بدل عنهم بجد وبكفاءة، ويصلحون بنيانهم بإخلاص ويشاركوهم بلهيب الحر ووياهم يلهثون.المربط طلع واحد من النواب عن وحده من التيارات الجارفةوالمشاركة بالحكم يگول:زيادة رواتب أعضاء البرلمان تنعكس إيجابا على المواطن، ومابيها أي ضرر على الناخبين.أبو سجاد البارحة يگول ما أدري اشلون رهمها السيد النائب؟ويگول يبين يريد يسوينه مثل ذاك الفقير الي وگف قريب من أبو الفشافيش وبدا ياكل الخبز اليابس على ريحة الكباب.ويگول هم ميخالف بس الي خايفين منه لا توصلنا هاي الإيجابيات تالي وكت الى أن ما يخلونه نشتم ريحة الكباب،فاشلون راح نبلع الخبز اليابس.