هم عميد وهم ركن وهم دكتور، وهم عبد السلام وطلع يصرح،چنه ما مصدگ بنفسه طالع عل الهوا يصرح.مو هنا المشكلة، خليه يصرح، هي بالأصل تيهانه ياهو الي يجي يصرح، ولا المشكلة بطلعته وهو متهستر ينهت وما يگدريسيطر، يجوز الرجال جاي يركض موذح حتى يصرح.المشكلة يدعي همه الى وگعوا الطيارة بأسلحة وجهود عراقية،وقيادة العمليات المشتركة صاحبة الآنة ببيانها تگول:رصدنا طائرة مسيّرة يم كركوك وتابعنا خط سيرها وتبين انهامجهولة ووگعت داخل المدينة، وبعد ما وگعت تبين انها تركيةوشكلوا فريق دا يعرفون اشلون وگعت، يعني (خربت ووگعت لوبفعل فاعل وگعت، لو وگعها إئتلاف العرب والأكراد والتركمانوالسريان) بكركوك.والمشكلة الأكبر السيد العميد خطية يريد يستغل المناسبة العظيمةبوگعة طيارة تركية مو ياهو الي يجي يگدر يوگعها والجنودحواليه ينبنبون وما دا يخلوه يصرح برهاوة.لكن الحق ينگال رغم كل النبنبة گدر يحيي قائد الدفاع الجوي ووزير الدفاع ورئيس أركان الجيش بمناسبة إسقاط الطيارة المتسللة، وتلقين الأتراك درس لن ينسوه إذا حاولوا مس سيادةالعراق.يا جماعة والله عيب. والچذب أكبر عيب. والعسكرية هيبة ما لازم توصل لهذا المستوى من العيب.