زعلوا ربعنه زعل قوي على الحجية ألينا سفيرة أمريكا بزرها من گالت يابه على كيفكم ويه النسوان والأطفال لأن ذوله خطيةوالتعديل الي تريدون تسووه على قانون الأحوال الشخصية يطيّحْ صبغ المره، ويچفص بمصارين الأطفال، يمعودين إگعدوا بيناتكم،كل الأطراف وناقشوا الموضوع بهداوه، بلكت الله وأهل البيت تتفقون.وبدل ما يگعدون ويتفقون إحتجوا وشجبوا ولسان حالهم يگولولچ انتي منو عوبه بنت العوبه تتدخلين بقضايانا الداخلية، إحنه
بكيفنه نحط القوانين وَنْمَشيّ الرعية مثل ما نريد. نسوا أمريكاوسفارتها والمحج الي ما يصير منهم وزير اذا ما يروحلها يطوف ببنايتها، وياخذ موافقتها ويقدم الولاء والطاعة ويحلف يمين،ونسوا قدرة أمريكا اللعب على ألف حبل مو حبلين، وما يجي على بالهم القوانين الدولية وحقوق الانسان.وغضبوا من طلع السفير البريطاني يقسم بالعربي ويگول الأمن بالعراق هسه أحسن بهواي من گبل لكن آني ما أنصح گرايبي وعشيرتي من آل هتشن يزورون العراق بهذا الوكت لأنه موأمين والمليشيات تلعب بيه بكيفها، ولا يمكن يصير استثمار ويتحسن الاقتصاد ما دامت المليشيات تلعب چقة شبر.نسوا أبو ناجي وتاريخه الطويل بالمنطقة والعراق ونفوذه القوي لحد الآن. وما يجي على بالهم أنو جناسي أغلب كبارهم بريطانية.وتناسوا ان بريطانيا هي الي خلصت چبيرهم من جماعة السيد منولوه بصولة الفرسان بالبصرة أيام زمان.بس واحد شيگول غير طاح حظچ أمريكا على ها الدگه.