عيب على رجال مشورب يْعِتْ مره من عبايتها لانها طالعة مظاهرة تطالب بعدم التعامل وياها سلعة تنباع وتشترى.عيب على معگل، يگابل مظاهرة النسوان بالنجف ويريد يكتم انفاسهن على أساس ما عدنه نسوان تطلع مظاهرات.وعيب على معمم يقود مظاهرة رياجيل ضد مظاهرة نسوانىويوگف يتهم النسوان بالبعث والشيوعية، ويتعامل وياهن چنهن عدو للاسلام.وعيب على رجل أمن يفتر بين المتظاهرين وبقيافته العسكرية،وما يحمي المتظاهرات من غل الخايبين.وعيب على أحزاب وره كل هذا الرفض والانتقاد لمقترح تعديل القانون الخاص بالأحوال الشخصية تبقى مصرة على تغييره،
وكأنها جايه بس تريد تظلم المرة وتستعبدها بهاي الدنيا وماتخليلها أي حقوق.وعيب على المجتمع يسكت على سلوك الأحزاب الدينية الشيعية الي ولمن ما لگت أصوات كافيه لتمرير قانونها بالتعديل راحتتساوم الأحزاب السنية لتمريره مقابيل تمرير قانون العفو.وعيب على الانسان وين ما چان وهو ينظر للمرأة سلعة وآلة تفريخ، ووسيلة متعة، وما ينظر الها أم تعبت وربت، وأخت دعمت وحطت، وزوجه سهرت وشاركت.وعيب الواحد يسكت عن الخطأ ولو أبو المثل يگول"إذا فات الفوت ما ينفع الصوت."