أگول ذولة الـ خمسين ألف باكستاني التايهين بالعراق إشصارمنهم وين حدا بيهم الدهر يمعودين؟خطية اشدا ياكلون؟اشدا يشربون؟إشلون مطلعين عيشتهم ومنين يصرفون، وبسوگ العمل الگزلي اشلون ينافسون ويتنافسون؟
العجيب حتى وزيرهم الي حچه الحچاية وفتگ الفتگ الچبير سكت وبعد ما يجيب طاري للموضوع؟والأعجب من سكته، سكوت ربعنا الي چنه علامة من علامات الرضا مثل ما يگولون.عمي إذا جايين يدرسون حوزة ودين من حقهم يدرسون، بسگولوا دا يدرسون، وثبتوهم بالسجلات طلاب علم، وزيادة المعرفةزيادة الخير خيرين. وإذا دخلوا بدرب المليشيات هم گولوا، لأنمن حق المليشيات تنوع بقواعدها وتضخ دم جديد فدرب النضال مكلف وطويل. وإذا تطشروا بين الساحات يگدون أو بالورش يشتغلون فهم مو مشكلة ولو ينافسون البنگلاديشيين، وذوله هم مسلمين. أما إذا چنتوا تريدون تزيدون عدد سكان العراق من جهةوحدة فانتم غلطانين، لأن إحنه دا نزيد ونتكاثر فوگ المعقول،وذوله اذا زادوا وزيدوا بعد كم سنه راح يكونون أقلية لازم تعترفون بيهم، ولازم تسوولهم تمثيل بالبرلمان وراح يزاحموكم على المناصب والحصص وهذا لا بصالحكم ولا معقول.