صماخ دبلوماسي، وبنفس الوكت هو صماخ سياسي، والأضربهن الصماخين إجني من أصل صماخ أكاديمي يمثل العراق باليونسكو يكتب الى رئيس المجموعة العربية بهاي اليونسكو يقترح تقديم طلب رسمي باسم المجموعتين العربية والإسلامية لاعتماد التعطيل بالمناسبات الإسلامية.طلب منين تبدي بموضوعه واشلون ما تبدي حتى تناقشه تدوخ خاصة من تشوفه ما مكتفي بيوم واحد عطلة، يريد يومين لكل مناسبة من المناسبات الدينية الي قسم منها هي عراقية خاصة بطائفة وحده من طوائف أهل العراق.ومع ذلك نگول لو بس تجربتنا العراقية بالعطل مزيدّة الإنتاج ومقلله نسبة الفقر، ومضاعفه مقياس الرضا عن النظام، ومقللة الاحتقان الطائفي، ومقربة الاكراد والتركمان والازيديةوالمندائيين وبقايا المسيحيين من الدولة فد بايتين چان گلنه حقه وحق كل صماخ يطلب تعميم التجربة والتمتع بعطلنا وين مانروح.وچان احنه الشعب العاطل المسكين من يمنه هم رحنه نطالب وياه مباهاة العالم بهاي التجربة الفريدة والناجحة، وإنصرْ على تعميمه الكل العرب والمسلمين، وحتى على الكفرة الأوربيين الي من كلول ابد يلتزمون بيها، ويبطلون يدوخونه بعطلهم بأعياد الميلادوراس السنة، ووياها نرغم إسرائيل النغلّة بنت النغل أن تنطيها
عطل مثل ما ننطيها إحتراما للفلسطينيين والنا العرب الي دوخنا العالم بأفكارنا وآراءنا.تره هذا الحچي نوع من الصغرنة، راح تقتل الدولة والنظام إذا مايتلاحگوها الرفاق أقصد الربع.