سداوي من أهل گبل، لمن يسولف لازم يخلي بهارات لسوالفة،والبارحة بوحده من سوالفه يگول:يا جماعة شفت بواحد من الفديوات محافظ النجف موّذِحْ.واحد من الگاعدين گاله أگلك:ما تحچي عدل شني موّذِحْ.رد عليه، بديرتنه يوصفون الي يركض بسرعة موّذِحْ.جاوبه بعصبية، هسه افتهمت بس كمل سالفتك ليش المحافظ موذّحْ؟وانت ليش بكلشي تشك؟ يجوز الرجال طالع يلعب رياضة وهايمن الزينات، لمن يصير المسؤول قدوة بالرشاقة والاناقة والخفية.ضحك سداوي وگال: لا تضل غشيم وبكلشي تصدگ، چان لابس بنطرون وقميص أبيض، وقندره قبغلي، وموذّحْ هو وباقي المسؤولين بالمحافظة دا يفزعون حتى يطفون حريجية صارت
يمهم، ليش هو الي طالع يطفي يطلع بالقميص، ويجيب المصوريركض وياه، وينشر فديوات قبل ما تطفي الحريجية؟ثم تعال گلي لمن المحافظ بعظمته يفزع ويشارك، ويوذّحْ لعدالحريق إذا طش، وراد فزعة وطلب مساعدة، وتدخلْ وغلق طرق، واخلاء سكن منو يديرها ويصدر الأوامر؟وإذا لا سامح الله إجتي لهبة قوية وراح بيها السيد المحافظ، وهومنتخب من كل الشعب إشلون راح يتعوض؟جاوب وهو يهز بإيده: يمعود المهم يشارك، ويطلع مشارك،والباقي الله كريم.