راح الرئيس الإيراني السيد رئيسي الى دار حقه، وسوت إيران تشييع رسمي مثلها مثل باقي الدول الي تحترم شعوبها ورؤسائها،وشاركتها الدول الحليفة والصديقة، وغير الصديقة بحزنها، وكل
دولة من هاي الدول دزت وفد برئاسة الرئيس أو شخصيةمرموقة، وحسب مستوى علاقتها بإيران، ومواقف ايران السابقةمن حزنها.الا العراق العظيم، راحت الأربع رئاسات بأربع وفود، كل وفد الهطيارته، ومرافقيه وحماياته، ومخصصاته (لأن ما معقوله يروحعلى حسابه)، هاي غير واجب العزاء (الفضل ) الي ماخذه وياه.أبو الشباب حاسب الي رايحين يعزون زين، يگول:هاي غير الوفود الطشارية، من الوزارات، والهيئات، والأحزاب،والشخصيات، ويگول:هاي الروحة بهاي اللمة أشوف بيها مبالغة هواي، مو بس على الأصول البروتوكولية، وتكافؤ العلاقات الدولية، وقلة القيمة.بس بالكلف المالية والعراق يشكي من قلة السيولة النقدية،وتخفيض الميزانية، ويگول:هيچ روحة بهاي الجوگة نفتهمها إيران دولة من ملتنا، الها تأثيرقوي على سياستنا، وبيدها كثير من مفاتيح أبواب رزقنا.لكن البصراوي الي سوه فاتحة للمرحوم رئيسي، ووگف بباب الچادر يشكي محد اجه لفاتحته، هاي اشلون نفتهمها؟