گعدت العشيرة كبارها والزغار وقبل ما تفلشْ الديرة بديالى وباقي المحافظات گالت وبرهاوة:أن يكون المحافظ من عدنا، ومن عدنا حصرياً مو من غيرنا من العشاير حتى ذيچ الي ذابه ويانا جرش قبل تأسيس الدولة العراقية بسنين.ومن إجوي السياسيين الي يتنافسون على المنصب يداعونبمنصب المحافظ كحق انتخابي حصلوا عليه بالفوز بأعلى عددأصوات بديالى، گالولهم:حگكم هذا على الورق ما يوكل خبز، وحقنا احنا استحقاق دمدفعته العشيرة آلاف الشهداء من چنتوا واحزابكم نايمين للظهر.وختموا حديثهم بصيغة تهديد معناه لو تقرون طلبنا وانتوا الممنونين.لو نهجمها على روس الكل، وخل ترجع المحافظة على أيام الطائفية واحد يكتل الثاني.ومرت الأيام وتجاوزوا المدد الدستورية، وحال ديالى باقي على حاله معلگ بسباحه.أبو جاسم هو أصلاً من أهل الخالص بديالى دخل على الخط وبدايفسر الي دا يصير وگال:أگلكم يجوز ينتظرون موسم البرتقال الجاي الي يبشر بخير، ومن سألوه الگعاعدين عود علويش؟جاوب عساه يخليهم يعتزون بديالتهم ويلگون محافظ من أهلالديرة مأًصل أباً عن جد، ويعرف قيمة برتقال ديالي وحلاوته.