هسه كون نعرف، وإلنه الحق ان نعرف معسكر كالسو بباب لضربوه الإسرائيليين، الصهاينة، مناعيل الوالدين.لو استهدفوه عملاء الاستعمار والرجعية الي ما يخافون من الله.لو إجته مسيّرة زغيّرة چانت تايهة وگعت فوگ المعسكر، شارةمن رب العالمين حتى ياخذون أهل المعسكر حذرهم، ويوَّنُونْ.لو تفجير من الداخل وراه معادين للحزب والثورة، بعد أن تسللوا الى جسم الثورة الطاهر الأبي.لو شرارة كهربائية صارت بفعل فاعل، حاقد، وحسود، هوبالأصل چان وياهم موجود.مرت يومين وإحنه حايرين نضرب أخماس بأسداس، وهسه لويعوفنه نضرب هم انعم الله، لا إنوب كل واحد منهم يصرح شكل،ويصدر بيان شكل، زيدوّا حيرتنه، وخلونه، ومن غصباً علينه،نروح ناخذ الأخبار من الكفرة أمريكا وإسرائيل الي يعرفون دبيبالنمل بهذا المعسكر وباقي المعسكرات، واشگد عند الربع فلوسوإشدا يصمدون واشدا يسوون، وشنو يصنعون ووين يضمون،واشدا ينوون. عمي بروح ابهاتكم:تعلموا من عدوكم، وطوروا نفسكم، ووحدوا جهدكم وراح تلگونكل الناس وياكم وتأيدكم.لا تبقونْ تشتغلون بالفزعة، وكلمن إيدو إلو، تره تبقون وتبقوناوياكم نراوح بالمكان، ونصير ملطشه لليسوه والـ ما يسوه.