عبيّس ما نام الليل كل اشوية وداز على ابنه الچبير وسائلة أگلك اشگد عدنه سلاح؟ الولد ما يچذب خبر يعددله الموجود بالتفاصيل، لكنه يرجع يعيد الحچي ويسأل وبعد؟ الىِ أن الولد طلعمن طوره، وگاله بويه، هاي چتافاتي للعباس ما عدنه غير ذنيالي گلتهن، وأرجع أگلك اثنين كلاشنكوف، وأربع مسدسات على
عدد الولد، ورشاشة دكتريوف تدري ضاميه خاف ندگ وحده من العشاير وناخذ حگنه، ها واتذكرت البندقية الانگليزية المزنجره مال جدك الله يرحمه لمن جابها وياه من اجه لبغداد گبل سبعين سنة، مشموره بالبيتونه ويه الدعاسيگ.سأله تثور لو ما تثور؟تثور اذا نظفناها وزيتناها، تدري بيها انچليزية وعمرها طويل.لعد هم جيبها ويه الباقيات.بوي شني القصة تريد تحارب، لو هم تريدنه ندگ بيت جعاز.لا ولك حضرهن دا نبيعهم للحكومة، يجيبن خوش فلوس، واحنه بالأصل ماخذيهن من الحكومة ببلاش.وتخلينه بلا سلاح، اشلون ناخذ حگنه إذا توازينه؟تضل غشيم، ولك نبيعهنن الأول، وبعدها نغط لعمامنه نشتري بگدهن وأجدد بنص السعر.صفن الولد وگال أي والله بويه هاي خوش شغله، لعد خليني أفتر على العرف بالمنطقة، بلكت أحصلي چم قطعه اشتريها من غشيم لو معتاز گبل ما ينفتح سوگ الحكومة.