هسه تذكروا جماعة الاطار لازم الي يصير رئيس وزراء، يگعد ويسكت وما يرشح للانتخابات الجاية حتى لا يستغل إمكانيات الدولة لصالحه. زين مو كباركم كلهم من بدت الانتخابات ولهذا اليوم كل رؤساء الوزراء الي صاروا رشحوا نفسهم وهمه
بالمنصب، واستخدموا موارد الدولة لأغراض الدعاي، وانطوا مكارم ووزعوا أراضي وسووا تعينات كلها على مود الانتخابات.وگبل ما الواحد يدور على السبب الي دفع جماعة الاطار حتى يسنون هاي السنينة، راح يوصل الى قناعه منطقية أنهم يقصدونمحمد شياع السوداني رئيس الوزراء الحالي، لأن:طلع من جوه ابطهم وبدا يشتغل مستقل عنهم.ولأنهم يريدون رئيس وزراء ضعيف على گ اديهم، همه الييمشوه مثل ما يريدون، خروعة الخضرة.زين مو انتم لزمتوا الحكم كل الفترة الي مضت.وواحدكم رشح وهو بالحكم.وسخر حتى الجن مال الدولة حتى يفوز بالحكم.ليش تحللون على نفسكم وتحرمون على الغير؟وليش مصرين تسوون ديمقراطية ما الها لون ولا وطعم؟ليش ما تمشون وتمشون البلد على الأسس الديمقراطية الي يمشيعليها العالم كلة من الشرق للغرب؟اشوكت راح تطلعون من خانة المصالح الخاصة على حسابالصالح العام؟