مجلس النواب يقرر خصم مليون دينار من راتب كل عضو عن كل غياب في جلسة برلمانية بدون عذر رسمي.ولوّ هاي مو جديدة ولا حصرية للبرلمان العراقي، لكنها تدفع الواحد وغصبن عنه يتخيلْ:عضو البرلمان الي يغيب وكأنه عامل بمعمل طرشي، عماله ماملتزمين ولا دايرين بال لطرشيهم حتى لو تلف أو تخمّرْ، لذلك واحدهم يغيب اشوكت ما يريد، حتى لو تنگطع يوميته.أو يتخيله طالب مدرسة توه صاير مراهق يضرب الدرس علىمود يشوف بنية يصادف مرورها من شارعهم بوكت الدرس،والشوفة عنده بذاك العمر تسوه كل دروس الدنيا.البرلماني الحقيقي لا عامل ما ماتزم، ولا طالب مشاكس، ولاجندي مخالف، هو بواقع الحال:
چبير، لأنه مشرعْ، وجاي متبرع دا يخدم الناس الي انتخبوه،يشرّعلهم القوانين الي تمشي أمورهم.مسؤول مهم في إدارة الدولة والمجتمع، لأنه يراقب السلطات الحكومية الي هي بالأصل تدير شؤونهم، ومن يوصل بيه الحد يغيب بكيفه ويتعاقب بقطع راتب، ولازم يبصم، ويسجل حضور،معناتها صار:إزغيّرْ ما يصلح يمثل الشعب.ومعناتها الي انتخبه أزغر منه.