صحيح الحكم الإيراني الأصل انطه أيمن حسين من المنتخب العراقي بطاقتين صفره مشكوك بيها، وبسببها انطرد من اللعبة ويه الأردن وهو اللاعب الأفضل بالفريق، والي بسبب طردها نصدموا اللواعيب، وصارت الخسارة الي ألمتنه، وعموم العراقيين الي چانوا يدورون على أي غلب يفرحهم ويشعرهم بالقوة والتفوق وره سنين الخسارة ووجع الراس.لكن الي مو صحيح هو ان الفريق ومن بداية الشوط الأول ما لعب بالمستوى الي لعب بيه باللعبات الثلاثة السابقة.لعب بطريقة المنفوخ انفعالياً.نفخة أو واحد يگدر يسميها (ثقة مفرطة بالذات) إجتيه من:
غلب لثلاث لعبات وحده وره وحده، كأنو ما چان متوقعها.ومن موقف السياسة والحكومة الي ركزت عليه بطريقة السعي لاستغلاله وسيلة دعاية بحيث حملته أكثر من قدراته النفسية على التحمل.وطبعاً المنفوخ يشعر داخل الملعب وكأنه مترهي، والي گباله أقلمنه، فما يبذل كل طاقته باللعب، ومن يتفاجئ بلعب المقابل الي مستصغره، ويطلع عليه گول يغضب ويتخربط.ومن يخطأ الحكم وياه يحقد ويتنرفز.ومن هو يطلع گول ينفعل، وكأنو ما مصدگ فيروح يستفز الغير ويستثيره بالضد.خصم الحچي إحتفال أيمن بأكل المنسف الأردني شفهياً، خسرت الفريق وحرگت الأعصاب مال سنة ليگدام.