لوما تصدر وزارة الدفاع توجيه وتعمم أمر الوزير بسجن ضابطين انتشر الهم فديو يبين بيه المقدم يضرب العقيد، ويطلع بيه العقيد يبچي مثل الجهال چان گلنه چذب.ومع هذا العقل لسه ما مستوعبها من صدگ، لأن:ما موجود جيش بالعالم بيه الأدنى شقاوة حتى لو تمثيل وبيه الأعلى خرنگعي، حتى لو خنيوه ويحب ينكتل.
ولا أكو قوات مسلحة بيها ضابط ثالث هو الي يصور وينشر الغسيل الوصخ.ولا أكو خريج كلية عسكرية عاقل بكل جيوش العالم يسوي هايالدگه الناقصة، لأنه:متدرب على الضبط واحترام الذات والرتبة.ومتشبع بالقيم العسكرية الي تستند على الثقة والتقدير الخاص للقدم والتراتب العسكري.لكن شنگول لجهل أهل السياسة الى ضربوا المؤسسة العسكريةوالأمنية بأول سچين خاصرة لمن جابوا دمج، وخلوهم بالمؤسسةوهمه بالأصل جنود أو ما مكملين ابتدائية، وتبعوه بسچين ثانية يوم عادوا آلاف المفسوخة عقودهم للمؤسسة، وهمه بالأصل مخالفين وهاربين وكبار بالسن.ولو ما يفيد الحچي، لكن نگول أكو أمل لأن وزارة الدفاع تصرفت بشكل صحيح لمن حالت المقدم والعقيد لمحكمة عسكريةفورية، وحكمتهم بالسجن والطرد، بلكت يصيرون عبره للغير.