الحكومة تلعب ويه هواي من القضايا حتى الاستراتيجية منها والاتزامات الدولية المهمة، ختيلان.گولوا اشلون:أبو رؤوف يگول آني أگلكم اشلون:من ضربوا الويلاد قاعدة عين الأسد الي بيها أمريكان بنص آخرشهر من سنة (٢٠٢٣) اتصل وزير الدفاع الأمريكي بزره،برئيس الوزراء العراقي وهم بزره، وگاله سيادة الرئيس:كافي عاد تره راح نضرب الي ضربونه وخليها ببالكم تره نعرفهم كلش زين، والسيد رئيس الوزراء طلب عطوة، ودگ على صدرةوگال:بس امهلوني چم يوم آني راح أجيبهم من أذانهم گوده بند.وبعد ما سد التلفون اتصل بالربع وگاللهم مثل ما ورطتونه،خلصونه، وبعد رد وبدل قبلوا يلزمون منهم اثنين من الي ضربواالقاعدة، وراحت القوات الأمنية على المكان الي دلوهم عليه،ولزموهم، وأعلنوا في بيان يزلزل الأرض تحت اقدام الامريكان
لزمناهم. وگالوا الأمريكان عفيه عليكم لزمتوهم وبارك الله بيكم وبتعبكم.وبعد يومين بالتمام والكمال طلع الحچي الى يأكد ان القوات اليكضتهم هدتهم، ورجعوا الى مقاراتهم يقاومون.هيچ تندار الدولة العراقية. وهيچ تتعامل مع أقوى دولة بالعالم،تگدر تعرف چم شعرة بجعب كل واحد مو بس بالعراق وانم ابالعالم كله.