كان الملك أو الرئيس بدولة العراق العلية في قديم الزمان عارف حدوده السياسة والإدارية زين، يمشي على الدستور حسب الأصول، والخروج عن النهج قليل، وما ينطي عطل من كيفه مهما يكون.وچانت العطل الي تنطيها الدولة محسوبة ومضبوطة ضبط العگال.ومن صار العراق ثوري وحزبي، صار الرئيس هو الآمر الناهي، وبيده كل الصلاحيات، ومع هذا ما ينطي عطله الابالمناسبات الحزبية وهنه قليلات، لكن وبعد ما خلص العراق من الثورية والدكتاتورية وطيحان الصبغ، صار الرئيس المنتخب والمحافظ المعين والمنتخب حاكم بأمر الله.ينطي عطل لوجه الله.وينطي عطلة من تگب العجاجة.ومن تمطر ولو زخات، هم ينطي عطله الى الله بالله.كل هاي والعقال يگولون:ماشي بلكت الناس تحس فد يوم وتبدي تحسب خسائر العطل على الاقتصاد والبناء.وصاروا يدعون بلكت يجي واحد منتخب يفتهم معنى الخسارةويبطل ينطي عطل، لكن يبين دعاء العقال ما مستجاب، لأن:بقضاء القاسم التابع الى محافظة بابل ناطين عطله، بمناسبةذكرى استشهاد الامام القاسم.هاي شتحطلها وتطيب!