قسم من الناس يزعلون من تگللهم تره العقل عدنه صار كسول،يدوّر على الحلول تجيه جاهزه من الغير، حتى الرزق وبدل مايركض عليه، ويسهر الليالي يقره ويكوّن نفسه ويتعلم ويتدرب دايأمنه برهاوة وراحة بال، يگضي الوكت يطلبه من رب العالمين،ناسي أن الله سبحانه گاله اسعى وآني أعينك.وأكو قسم يعتبون حيل من تگللهم ديروا بالكم تره العقل صارخدران، ما يريد يفكر، ويبتكر حتى يعيش أحسن هو والغير،وبدل ما يجهد نفسه ويفكر حتى يتطور ويطورْ، استسلم لبعضالأفكار والطقوس والغيبيات، وگضه السنه كلها زيارات.وأكو آخرين يضوجون من تگللهم يمعودين تره صارت الأغلبيةمن بيناتنا تعاني من القلق والخوف من باچر، ومن الاضطراباتالي زيدت نسب الانتحار، والجريمة والطلاق، والشذوذ، وبدل مايدورون عن السبب وليش، يركضون ليگدام ينذرون النذور،ويبنون أضرحة وهمية، وينسبون أبناء وبنات للأئمة الأطهارحتى يحمون نفسهم من هذي الضغوط والاضطرابات دون أنيدرون، وبالنتيجة أصبحوا مساهمين بانتشار الجهل والخرافةوالخطأ المقصود وغير المقصود.آخر تقرير عن مؤشرات الابتكار في الدول سوته الأمم المتحدة،بيّنْ ان العراق جاء ما قبل الأخير، يعني ابتكار سز، دليل على أنأهل العراق الي نسب الهم اختراع العجلة والكتابة، وتقسيماتالوقت وتشريعات القانون، ورسم الخرائط، والإبحار بالأشرعة،وصناعة العطور، الآن مخدرين، يمشون من غير وعي، مايدرون وين رايحين.