بالعراق يومية عدنة مفاجأة، أصلا احنه عبالك بعالم خاص مانگدر نعيش بلا مفاجآت.عزام يگول بمظاهرات بغداد سنة (٢٠١٦)، چنت گاعدوحدي، صافن، أفكر بهذا الي صار بينه واشراح يصير ووينچنه، وليوين رايحين، ولن صديق يگعد بصفي بدون استئذان،وعلى طول گال سمعت؟.اشتقصد. مفاجأة من العيار الثگيل.يمعود مفاجآتك من تحچيها دائماً تگول من العيار الثگيل،وتالي تطلع من العيار الخفيف.لا هاي المرة من الثگيل: البرلمان وافق على قانون الأحزاب،من دون مناگرْ ولا مدافر. وشنو يعني.ليش ما تدري چانوا حاطين القانون إثمَن إسنين بالثلاجة.وهم أرجع وأگول وشنو يعني.تدري كل هاي الفترة مغلسين، ولمن صارت الحديدة حارةبالمظاهرات تراكضوا، وگعدوا عقال، قرروا وصوتوا، ولاعبالك دايرين بال.سبحان مغير الأحوال، چانوا چنهم نايمين وما محسبين حسابهاي الايام، ولا خالين ببالهم الشباب ملت وتعبت وعلى ساعةيمكن تطلع من الزواغير وتحصرهم.شوف أگلك لا تفرح، وروح ابوك بس خلي الأمور تهدأ راحيرجعون مثل گبل ويمكن أنگس يعني ترجع حليمة لعادتها القديمةلأن احنه بطبعنه ما نتعظ وما نتعلم من الغلط.مؤامرة