91. ذيل الجلب


گال أگلكم ذيل الچلب هم ينعدل؟. كل الگاعدين گالوا لا والله أبد ما ينعدل،واحد منهم نب وگال لو تخلوهبالگصبة (40)يوم أبد ما ينعدل. الثاني والله لو تبقيه (١٥) سنة هم ما ينعدل، ولو ينعدل چان انعدلنه إحنه. الثالث گال أگلك لا تحچيألغاز، وضحاشتقصد.

عدل نفسه وگال:

عدنه چذب وكلاوات، من صرنهموجودة، يعني مو جديدة، بكل وكت تبين، ويبينون أصحابها الچذابين والكلاوچية. التفت على صاحبه وسأله تتذكر من چنه بالتصنيع، وتتذكر اشلون إجوي مهندسين لذيچ الحكومهَ دا يقشمروها، لمن گالولها نگدر نزود مدى المدفع 57 ملم حتى ينوش الطيارات الامريكية المعليهَ كلش فوگ، واذازيدناهبعدها اشحد الي يطير فوگ بسمائنا.گولوا قدموا الخرايط، الحكومة كيفت، وانطت فلوس، والجماعه بدوا يشتغلون أثاريهم طولوا السبطانة باللحيم.

المهم أخذوا المكرمات من الأبي، ومن صارت الحرب رمت المدافع على الطيارات، ولن تتملص التطوالات مال السبطانات.

هسه الكلاوچية هم موجودين والحمد لله كثروا، بحيث وزارة الصناعة قبل فترة طلعتْ تبچي وتگول يمعودين ننتج ومحد يشتري إنتاجنا، ولمن تحمست وزارة الدفاع للإنتاج مالهم، ودت نماذج للفحص(خوذ وبساطيل ودروع)، تبين بالفحص الخوذهَ تنعفس إذاجاستها طلقة جاية من بعيدهَ، والدرع ينزرف وتنفذ منه طلقة مسدس بسهولة، أما البسطال فلگوا نفس النوعمعروضبالسوگ صناعة صينيه وأرخص من انتاجهم بعشر تالاف. أثاري الجماعة، دا يشتغلون، ترهيم وچفيان شر، وتجارة.

رجع على صاحبه وگال ها خوية صار (١٥) سنة وما انعدلنه وتريد ذيل الچلب ينعدل، باربعين يوم.

لا مينعدل!.