59. دستورية النواب


دستورية النواب

إحنه بجمهورية العراق الديمقراطية،يرادلنه من صدگ، فتاح فال،دونلي، كون يتعين چبير المستشارين، وياه دستة عرافين بس كون مو دجاله، ويجيبون وياهمچم واحد من ذوله الي يضربون الودعزين بس عاد مو كلاوچيه،وبگدهميقرون فنجان بس لازم مو سختچيه،خليهم يصيرون هيئةشكو بيها يفتونبأمورنه السياسية واشلون دا تمشي سفينتنا بهذا البحر الهايج واشلون تنحل القضية، وإذا تشكلت هاي الهيئة المباركة أمانه برگبتكمأول سؤال تسألون چبيرهم، بروح أبوك مولانهراح يكمل تشكيل الحكومة لو ما يكمل؟.

تدرون حقنه نسأل هيج أسئله لأن هاي مو أول داوركيسه نمر بيها، ولا أول شليله يضيع راسها، أبداً كل دورة لتشكيل الحكومة، تطلع عدنا مثل هيج داوركيسات، تدوخ الراس، تذكرون بذيج الحكومة نواب الرئيس الي طلعوا من مناصبهم، اشلون دوخونهوخلونه أشهر نفتر مثل المرصع ونسأل،طلعتهم دستورية لو مو دستورية، وشفتوا اشلون واحد يگول مو دستورية واللاخ يگول دستورية وخلي يروحون مابيهم فايدة بس صرف فلوس، والحكومة تگول ياجماعة الخير دستورية ونص، وهمه أصلا ما يداومون ورواتبهم انگطعت، وينطبق عليهم المثل (خذتك رجل يگعيم عن وحشة الليل) وأكو من يگول للحكومةانتيإشبيچگبل گصيتيرواتبهم مو خطية عوائلهم اشلون تعيش.

بشرفكم لو عدنههيئة وفتاح فال مرصرص چان دولبنه الوكت وصرنه ما عارفين نطي وجهنه وين، ولا عارفينالصدگ والچذب وين.

يمعودين تره هاي ما راح تخلص، وكل يوم راح تطلعنهداوركيسه لو نگبورةجديده، والحل خلونه نطالببفتاح الفال ونستمر بالگول يحلها الحلال.