تصريحات السياسيين
السياسيون مشغولون، وغير السياسيين هم مشغولين، ومثلهم العمال والفلاحين والچايچية، من الصبح لليل دوم مشغولين.
عفيه بلد كل الناس بيك مشغولين، ومحد يعرف وين الإنتاج، وشنهو الي سويناه واحنه كل هالوكتمشغولين، أشو النتيجه بحساب العرب صفر باليد حصان. وياريتنبقى على الصفر، خوفنه ننزل جوه الصفر، بعد ماگمنه نرجعليوره.
دورة الإنتاج عدنه بالذات مثل محرك چبير إذا عطل بيه جزء تعطل باقي الأجزاء، ومثل ما دا تشوفون انتاج الموظف صفر وإنتاج العامل قريب الصفر والفلاح يا دوبك يوصل للصفر، معقوله يصير انتاج السياسي وحدة أعلى من الصفر، مستحيل،بالعكس هو الي انتاجه جوه الصفر وجر الباقين لهذا الصفرالأگشر.
أگول شنهو الي قبضناه من انتاج السياسي، أشو أكثر السياسيين بستنظير بتنظير، بله بربكم اسمعوهم زين، من يطلعون بالتلفزيون على طوليكررونكلمات الـ يجب والـ ينبغي،ومن ينتعشون وياخذهم الزوم، يروحون زايد وينتقلون لموجه أقوى فتطلع من حلوگهم كلمةلازم نسوي مثل الشهد ما شاء الله عليهم.
خصم الحچيسوولنه الهور مرگ والزور خواشيگ على الخالي بطال.
أحلى شيقبل فترة واحد منهم گال لازم نوزع فلوس النفط على الشعب، ومن طلعلهدكتور گلّهإشلون؟.ليش هيَ فلوس النفط مكفيّه رواتب ومصاريف حتى توزعوها، خو سوو مشاريع تْشَغلْ الناس وتجيب ربح للدولة، ليش تالينهصرنه نشتري الرگي والزبيب من الجيران، ونبلط أرصفتنه ونبني بطابوگالجيران، وليش نجيب الحليب واللبن والخيار والبابنگ من الجيران، وليشوليش.أشو صاحبنا من شاف الحچي جديات زعل.