50. فتق المصلاوي


فتق المصلاوي


أخونه المصلاوي يگول: تِرقَعها من هوني تِنفتِق من هوني.

زين إذا هوالزبون تاخ وما ترهمله رگعة اشراح نسوي، ماكو غير نمشي مَلْطْ، وهذا مو بعيد علينا،يوم الي رجعنه للسحر والحروز والأدعية مال گبل ألف سنه، يمكن فد يوم يرجع العداد عشر تالاف سنهويمشينه ملطْ، لأن بعد ما رگعنه فتگ الانتخابات، انفتگ النا فتگ الكتلة الأكبر، وهو مو أول فتگ، وإذا رجعنه گري ليورهَچم سنه راح نشوف اشلون چنه حايرين بفتگالفساد، والبوگوالمصالحة، وإجتنة داعش إتْوّرْ، وأخذت من عدنه ورچ، وفتگت النا فتگ چبير، وأول ما انداست داعش وگبل ما تنطمر جتنهَ حسبة العيشة والبطالة ذبتنه بنصسويرة گامت تفر بينه فَرْ.

وگالوا سعر النفط زاد، وأول ما طلعت روسنهَ من السويرة دا ندعيانفتگ فتگالبصرة، المي مالح، والأمراض موتت الناس، والمي الحلو بالدرب ينباگ، والي يبوگوه المسؤولين بالمحافظة،والمسؤولين حزبيين يتبعون أحزاب فازت بالانتخابات، وإحنه بنفسنه الي انتخبناهم، وشكلوا البرلمان الجديد، والكتله الأكبر بعد ما تشكلت، والحكومة الجديدة ما تغربلت رجعنه للسويرة:

المتظاهر يريد مي حلو يشرب، والمي بمحطة الهارثة،والمحطة جان لازم تشتغل هاي الأيام، والمتظاهرراحلها، والخبراء الأجانب شردوا، وما راح تنفتح الا يرجعون، وهمه ما يرجعون الا تنتهي المظاهرات، وتعال يا الرگاع ارگع. اشلون راح يرگع مجد يدري.

أكللكم الصدگترة الشگإچبير والرگعهَ إزغيره، والفتوگ كثرت ومو بعيد نمشي عرايا،وفتوگنهالي احنه دا نفتگها بادينا ما راح يگدر يرگعها لا أخونه المصلاوي، ولا الحمزة أبو حزامين.

٩/٩/٢٠١٨