أعظم أمة
من وعينة عله نفسنهولهذا اليوم الأسود، وإحنه نسمع إصياح ربعنةوگولهم إحنا أعظم أمة بهاي الدنيا، وبالآخرة هم إحنه الأعظم، وبس إحنه الي راح نطب للجنه، ونچربع خمر ونتمتع بالحوريات، والباقينكلهم حطب للنار. ومن إنشوفغريب ننفش ريشنه مثل الفسيفس، وندگ على صدرنه ونعدّل عگلنهونگومنحچيمعلگ، ونگول تره عدنة حضارة سبع تالافسنة، واحنه الي اكتشفنه البرزخ والطهور، وبزمن السومريين چان عدنه مطار بالناصرية ينقل عبرية للمريخ گبل ما تحل على أهلهاللعنه لأن يچذبون. وإذا سوينالنهگنطره، تگول عبالك مسوين جسر يعبر المحيط الأطلسي من غير دنگ، وگبَلْ نسميها بإسم الريّس أي ريس. وإذا فد يوم غلطنه، وبنينالنا معملدوندرمة لو لكستك، نطلعْ ونگلولتراهو أكبر معمل بالمنطقة، وإنتاجه يسد حاجة العراق وكل الشرق الأوسط، وبعد ما يشتغل يتبين ما يسد حاجة مدينة الثورة.
أگلكم ليش تتعجبون من هذا الحچي، نسيتوادگة الكهرباء مو وزيرها الله يحفظه طلع بسنة ٢٠١١ وگال سوينه محطات تغطي حاجة العراق وراح نبدي نصدِرْ الزايد عام ٢٠١٣، ودا تشوفون بعيونكم أشو حلْ علينا عام ٢٠١٨ والكهرباء تسمع صوتكم تجي ساعة وتغيب ساعتين.
لا ومو بس هاي خوب اذا گمنهنحچي على الطبايع، نگومنصفطبراحتنه، إحنا اسباع ولد اسباع، وإحنه الگصينه البردي وطردنه الخنزير، وإشْحَدهَ الي يندگبتيلنه، وبالحروب من قال وبلهَ كلها منتصرين وعدونا خسران وما يگدر يشيل راسه.
يعني اشلون تاليها، هم يجي يوم ونگوكنحچيبأمانه وصدگگبل ما نروح فطيس لو ننداس بالرجلين.